დუეინ ჯონსონი დემონებს შეერკინება


დუეინ ჯონსონი დემონებს შეერკინება
27 ნოემბერი 2013
3165



კინოკომპანია 'MGM' უესტონ ოქსის რომანის, 'Seal Team 666', ეკრანიზაციას გეგმავს. ფილმში მთავარ როლს დუეინ ჯონსონი შეასრულებს.
'Seal Team 666' მწერლის ახალი რომანია, რომელიც გაყიდვაში 2012 წელს გამოვიდა. მთავარ მოქმედ გმირს ჯეკ უოკერი ჰქვია. იგი კადეტია და გადაწყვეტილი აქვს საზღვაო ქვეითი გახდეს როცა მას შესთავაზებენ შეურთდეს სპეციალურ, ოთხკაციან დანაყოფს განსაკუთრებული დავალების შესასრულებლად.
სპეციალურ ჯგუფს უწევს ბრძოლა დემონებთან და მისტიკურ არსებებთან. მოქმედი გმირები მიაკვლევენ უძველეს რელიგიურ კულტს, რომელიც მიზნად ისახავს დედამიწაზე სიცოცხლის მოსპობას. დაჯგუფებას სამკვდრო-სასიცოცხლო ბრძოლაში უწევს ჩაბმა.
ოქსის წიგნის ადაპტაცია ევან სპილიოტოპულოსმა მოახდინა. ეს უკანასკნელი წერდა სცენარს ფილმისთვის 'ჰერკულესი', სადაც მონაწილეობას იღებდა დუეინ ჯონსონი.
ფილმის პროდიუსირებას ჯონსონი საკუთარ თავზე იღებს. პროდიუსერი იქნება ასევე მისი ყოფილი ასისტენტი, ჰირამ გარსია. ფილმს რეჟისორი ჯერ-ჯერობით არ ჰყავს.