ცნობილი პოპ მომღერალი მადონა საკუთარ თავზე ბიოგრაფიულ ფილმს გადაიღებს

Universal Studio გამოუშვებს ბიოგრაფიულ ფილმს მადონას შესახებ, რომლის რეჟისორი თავად მომღერალი გახლავთ. იგი ასევე დაწერს პროექტის სცენარს ოსკაროსან დიაბლო კოდთან ერთად. მადონა ფილმში არ ითამაშებს, მაგრამ მთავარი როლისთვის ახალგაზრდა მსახიობის პოვნას გეგმავს. ფილმი მოგვითხრობს მადონას მუსიკალურ კარიერაზე, რომელმაც შეძლო ისტორიაში ყველაზე გაყიდვადი არტისტი გამხდარიყო.

მადონა დღემდე ინარჩუნებს ერთ-ერთი ყველაზე გავლენიანი და მოთხოვნადი ვარსკვლავის სტატუს, რომელიც თავისი ინოვაციური, სკანდალური, სექსუალური ხასიათისა თუ რელიგიურ თემატიკაზე გადაღებული ვიდეო კლიპებით ყველასაგან გამოირჩევა და ყველა დროის ყველაზე გაყიდვადი ქალი მომღერალისა და პოპის დედოფლის ტიტულსაც ატარებს.