სკანდალი Netflix-ის ფილმ "Cuties"-ს გარშემო

ფილმი 11 წლის ემისზეა, რომელიც მუსულმანი ოჯახის ტრადიციების წინააღმდეგ წავიდა და გადაწყვიტა დიდი ქალი გამხდარიყო. საზოგადოების ნაწილმა გულთან ახლოს მიიღო ეს ისტორია, მაგრამ ფილმის პოსტერზე მკვეთრი კრიტიკა დაიწყო. საზოგადოებამ ჯერ Netflix-ს ადანაშაულებენ, რომ ბავშვები სექსუალურ ობიექტად არიან წარმოდგენილი, შემდეგ კი სტრიმინგის გაუქმება მოითხოვეს

"Cuties" კრიტიკის პირველი ტალღა აგვისტოს ბოლოსკენ დაიწყო. ნეთფლიქსი დაადანაშაულეს, იმის გამო, რომ გოგონები სექსუალურ ობიექტად არიან წარმოდგენილი ამერიკული პოსტერზე, რომელშიც ეგრეთწოდებული „ტვერკის“ სცენაა გამოსახული. სოციალურ მედიამ Netflix-ის ბოიკოტის მოთხოვნა ჰეშთეგის #CancelNetflix გამოყენებით სცადა. მიუხედავად ამისა, საზოგადოებამ ფრანგული პოსტერი უფრო მიზანშეწონილად მიიჩნია.

მალევე გამოჩნდა Change.org–ზე პეტიცია, რომელსაც 715 827 ათასზე მეტმა ადამიანმა დაუჭირა მხარი. პეტიციის ავტორი მიიჩნევს, რომ ფილმში 11 წლის ბავშვები სექსუალურ ობიექტად არიან წარმოდგენილი და სურს ეს შედეგები წარუდგინოს FBI-ს და გარკველი ზომები მიღონ.

”ბოდიშს გიხდით იმ შეუფერებელი პოსტერისთვის, რომელიც ამ ფილმისთვის გამოვიყენეთ. ეს არასწორად ასახავს ფილმის სიუჟეტს, ამიტომ პლაკატი და აღწერა განახლდება“ - წერს ნეთფლიქსი

სკანდალი ამით არ დასრულებულა. 3 სექტემბერს მედიაში გავრცელდა ინფორმაცია, რომ თურქეთის რადიოსა და ტელევიზიის უზენაესმა საბჭომ (RTÜK) მოითხოვა Netflix-ის გაუქმება ქვეყანაში ფილმ "Cuties"-ს გამო. RTÜK– ს განცხადებაში ნათქვამია, რომ ფილმის შინაარსი „შეიძლება გამოიწვიოს ბავშვზე ძალადობა“.