ხოაკინ ფენიქსი, რიდლი სკოტის ახალ ფილმში, ნაპოლეონ ბონაპარტის როლს შეასრულებს

Deadline-ის თანახმად, რიდლი სკოტი გადაიღებს ფილმს საფრანგეთის იმპერატორ ნაპოლეონ ბონაპარტის ცხოვრებაზე. ფილმში მთავარ როლს ხოაკინ ფენიქსი შეასრულებს. ფილმის ორიგინალი სახელწოდებაა "Kitbag".

ფილმი ნაპოლეონის პიროვნულ სახეს და იმპერატორად აღზევების პერიოდს აღწერს. მაყურებელი იხილავს არა მხოლოდ ნაპოლეონის ხელმძღვანელობით გამართულ ბრძოლებს, არამედ მის "დაუნდობელ ამბიციებსა და საოცარ სტრატეგიულ ინტელექტს". ფილმის სცენარი დაწერა დევიდ სკარპამ

14 ოქტომბერს სკოტმა დაასრულა ისტორიული ფილმის "The Last Duel" გადაღება, რომელიც გამოვა 2021 წლის ოქტომბერში.