Warner Bros-მა ჯონი დეპს როლის დატოვება მოსთხოვა

ჯონი დეპს აღარ ვიხილავთ "ჯადოსნური ცხოველების" მესამე ნაწილში. ამის შესახებ მსახიობმა საკუთარ გამომწერებს ინსტაგრამის საშუალებით აცნობა. Warner Bros-მა დეპს გაწეული თანამშრომლობისთვის მადლობა გადაუხადა და დაადასტურა, რომ გრინდელვალდის როლზე სხვა მსახიობი შეირჩევა.

 

 

 

View this post on Instagram

A post shared by Johnny Depp (@johnnydepp) on Nov 6, 2020 at 8:15am PST

ჯონი დეპმა სასამართლო დავა წააგო გაზეთ Sun-თან, რომელსაც დეპი ცილისწამებაში ადანაშაულებდა, იმის შესახებ რომ, ყოფილ ცოლზე ემბერ ჰერდიზე, ძალადობდა. დეპმა ბრალდებები უარყო და საქმე გამოცემის წინააღმდეგ  აღძრა. ჯონისა და ჰერდს შორის კონფლიქტი 2016 წელს განიხილეს. მსახიობმა განქორწინება მოითხოვა და ქმარი დაადანაშაულა ძალადობაში. სასამართლომ კი მასთან მიახლოვება აუკრძალა.

Warner Bros-მა "ჯადოსნური ცხოველების" მესამე ნაწილის პრემიერა ერთი წლით გადადო. ახლა კი ფილმს 2022 წლის ზაფხულში, 2021 წლის 12 ნოემბრის ნაცვლად ვიხილავთ.