დისნეი ანიმაციური სერიალის "Darkwing Duck" ახალ ნაწილზე მუშაობას იწყებს

90-იანი წლების დასაწყისში გამოსული პოპულარული ანიმაციური სერიალის "Darkwing Duck" ახალ ნაწილს ვხილავთ. განახლებული შოუ გაეშვება Disney Plus სტრიმინგის სერვისზე. ამის შესახებ ინფორმაცია Variety-მა გაავრცელა.

მულტფილმის შექმნაში მონაწილეობას მიიღებენ სეტ როგენი და ევან გოლდბერგი. ჯერ-ჯერობით პროექტის შემქმნელები სცენარისტებს ეძებენ.

შეგახსენებთ, რომ ანიმაციური სერიალი "Darkwing Duck" გამოვიდა 1991 წელს და მაყურებელმა მხოლოდ სამი სეზონი იხილა. მთავარი პერსონაჟი იდუმალი სუპერგმირი დრაიკია, რომელიც სენ-კანარის წყნარ გარეუბანს იხსნის ბოროტებისგან.