ფრედი კრიუგერის როლის შემსრულებელი ითამაშებს სერიალში "Stranger Things"

რობერტ ენგლუნდი, რომელიც მანიაკის "ფრედი კრიუგერის" როლს ასრულებდა ფილმში "კოშმარი თელების ქუჩაზე", ასევე მონაწილეობას მიიღებს სერიალის "Stranger Things" ახალ სეზონში. ენგლუნდი შეასრულებს სასტიკი პაციენტის - ვიქტორ კრეელის როლს, რომელიც 50-იან წლებში საგიჟეთში გააგზავნეს სისხლიანი მკვლელობისთვის. როგორც Hollywood Reporter-მა აღნიშნა, მას შოუს მეოთხე სეზონში ვიხილავთ.

Stranger Things–ის მეოთხე სეზონის გადაღება 2020 წლის თებერვალში დაიწყო. სეზონის პრემიერას, სავარაუდოდ 2021 წელს ვიხილავთ. ისღა დაგვრჩენია, მეოთხე სეზონის გამოსვლას დაველოდოთ...