იხილეთ, როგორ აფასებენ კრიტიკოსები ფილმს "Monster Hunter"

პოლ უ. ს. ანდერსონი და მილა იოვოვიჩი ეკრანებზე ბრუნდებიან. ამჯერად ვიდეოთამაშის "Monster Hunter" მიხედვით გადაღებულ ფილმში, სადაც მათ ევალებათ ებრძოლონ გიგანტურ მონსტრებს.

კრიტიკოსთა უმეტესობა აღნიშნავს, რომ "Monster Hunter" უაზრო, მაგრამ საოცრად ამაღელვებელი სანახაობის ფილმია. ბევრი აქებს 3D დიზაინით შექმნილ მონსტრებს, მაგრამ არიან ისეთებიც, რომლებიც პირდაპირ საკუთარ აზრს აფიქსირებენ, რომ პროექტი ცუდია.

"ჩემი აზრით Monster Hunter ცუდი ფილმია. პროექტი თითქმის ყველა ვიდეოთამაშის ადაპტაციის მსგავსია, რომელიც ანდერსონს გაუკეთებია ბოლო ათწლეულის განმავლობაში, რაც იმას ნიშნავს, რომ მისი ნებისმიერი გულშემატკივრისთვის სიურპრიზი არ აღმოჩნდება. Monster Hunter არ არის კარგი ფილმი, მაგრამ ეს იმას არ ნიშნავს, რომ მოსაწყენია, ჯობია ჯერ უყუროთ...” - ლიამ ნოლანი

"Monster Hunter არც ისე აზრიანი ფილმია, მაგრამ ვიზუალურად მაინც საინტერესოა. კარგია ვარიანტია პროექტს მეგობართან ერთად უყურო სახლში” - პიტერ დებრუჟი

”ანდერსონის ბოლო პროექტი არის ზუსტად ის, რასაც ელოდებოდით, ყოველგვარი პრეტენზიის გარეშე. შეიძლება არცისე აზრაინი ფილმია, მაგრამ მიუხედავად ამისა, თქვენ მაინც ისიამოვნებთ” - მეგან ნავარო

"თავიდან ბოლომდე სავსეა გიჟური მოქმედებებით. თუ მოგწონთ მსგავსი ფილმები, დამიჯერეთ კარგ დროს გაატარებთ"