ქართველი რეჟისორის მულტფილმი Netflix-ზე გაეშვა

Netflix-ზე ქართველი მწერლის, მხატვრისა და რეჟისორის, რეზო გაბრიაძის მულტფილმი "Rezo" გაეშვა

მულტფილმის მთავარი გმირი რეჟისორი რეზო გაბრიაძის შვილი, ლევან გაბრიაძეა. იგი ხვდება ლენინს, მენდელეევსა და სტალინს და ამარცხებს ჰიტლერს. პროდიუსერი თემურ ბექმამბეტოვია.

ანიმაცია 2019 წელს საუკეთესო სრულმეტრაჟიანი მულტფილმების კატეგორიაში „ოსკარის“ ნომინანტებს შორის მოხვდა.

რეზო გაბრიაძე დაიბადა 1936 წელს ქუთაისში. იგი მხატვარი, თეატრისა და კინოს რეჟისორი, მწერალი და მოქანდაკეა. ის 35-ზე მეტი ფილმის ავტორია, რომელთა შორის არის „მიმინო“, „არ იდარდო“, „ქინ ძა ძა“, „შერეკილები“, „არაჩვეულებრივი გამოფენა“, „სამნი გზაზე“ და ა.შ. 1981 წელს რეზო გაბრიაძემ თბილისში დაარსა მარიონეტების თეატრი, რომელმაც პირველივე სპექტაკლიდან დაიპყრო მაყურებელთა გულები და დღეს თეატრი მთელ მსოფლიოში მოგზაურობს.