არნოლდ შვარცენეგერმა ტრამპს "ისტორიაში ყველაზე ცუდი პრეზიდენტი" უწოდა

ამერიკელმა მსახიობმა არნოლდ შვარცენეგერმა ტვიტერზე ვიდეომიმართვა გაავრცელა, სადაც კაპიტოლიის შტურმი, ადოლფ ჰიტლერის ანტიებრაულ პოგრომებს შეადარა, როდესაც დამსხვრეული ვიტრინების ღამეს, ნაცისტებმა ებრაელები დაარბიეს. ვიდეოში შვარცენეგერმა ასევე აღნიშნა, რომ ტრამპი ისტორიაში ყველაზე ცუდ პრეზიდენტად დარჩება.

”პრეზიდენტ ტრამპმა შეეცადა შეეცვალა სამართლიანი არჩევნების შედეგები და ხალხი შეცდომაში შეეყვანა” - განაცხადა შვარცენეგერმა და სიტყვით გამოსვლისას მხარი დაუჭირა არჩეულ პრეზიდენტ ჯო ბაიდენს, რომელიც თანამდებობას 20 იანვარს მიიღებს.

აშშ-ს კაპიტოლიუმის შენობის შტურმი 6 იანვარს მოხდა. ამერიკის ისტორიაში პირველად მოქმედი პრეზიდენტის მომხრეებმა კაპიტოლიუმის შენობა შტურმით აიღეს და კონგრესის მუშაობა ჩაშალეს. შეწყდა არჩევნების საბოლოო შედგების დამტკიცების პროცესი. არეულობას 5 ადამიანი ემსხვერპლა. მათ შორის ერთერთი ამერიკის შეიარაღებული ძალების ვეტერანი.