"კიდევ ვიბრძოლებთ" - Marvel-ის სტუდიამ განაცხადა, რომ ფილმის "The Avengers" გაგრძელებას ვიხილავთ

"კიდევ ვიბრძოლებთ" - Marvel-ის სტუდიამ განაცხადა, რომ ფილმის "The Avengers" გაგრძელებას ვიხილავთ

Marvel-ის სტუდიის ხელმძღვანელმა კევინ ფეიგმა IGN-სთან ინტერვიუს დროს განაცხადა, რომ უახლოეს მომავალში "შურისმაძიებლების" გაგრძელებას ვიხილავთ. პროექტზე მუშაობა ჯერ-ჯერობით არ დაწყებულა. ხოლო სხვა დეტალები კი უცნობია.

"აშკარად უნდა ვთქვა - დიახ!" - განაცხადა კევინმა

"შურისმაძიებლები" Marvel Comics-ების ერთ-ერთი ნაწარმობია, რომელიც პირველად 1963 გამოიცა. მისი შემქმნელები არიან სტენ ლი და ჯეკ კირბი. გუნდის თავდაპირველი წევრები იყვნენ ადამიანი ჭიანჭველა, ჰალკი, რკინის კაცი, თორი და ბზიკი. მასში აგრეთვე შედიოდნენ ადამიანები, ზეადამიანები, ანდროიდები, უცხოპლანეტელები, ზებუნებრივი არსებები და ყოფილი მტრებიც კი.

გარდა კომიქსების და რამდენიმე ტელესერიალის, გუნდი აგრეთვე გამოჩნდა 2012 წლის „შურისმაძიებლებში“. ფილმმა საბოლოოდ რეკორდი დაამყარა, სადებიუტო კვირაში 207.4 მილიონი აშშ დოლარის შემოსავლით. მეორე ფილმი, „შურისმაძიებლები: ულტრონის ეპოქა“, 2015 წელს გამოვიდა. 2018 წელს „შურისმაძიებლები: უსასრულობის ომი“, ხოლო ბოლო მეოთხე ნაწილი, სათაურად "დასასრული" 2019 წლის 3 მაისს ვიხილეთ.