ანჯელინა ჯოლის ინტერვიუ და ფოტოსესია „ვოგისთვის“

45 წლის ანჯელინა ჯოლი გახდა, ბრიტანული გაზეთის Vogue–ის მარტის მთავარი პერსონაჟი. მსახიობმა ინტერვიუს ჩასაწერად მთავარი რედაქტორი ედვარდ ანინფული თავის სახლში მიიწვია. მან ისაუბრა დედობრივ ტვირთზე და თავის ექვს შვილზე. ჯოლიმ ასევე მონაწილეობა მიიღო ფოტოსესიაშიც, რომელიც მის სახლის უკანა ეზოში შედგა.

 

 

 

View this post on Instagram

A post shared by British Vogue (@britishvogue)

ბრიტანული Vogue–ის მთავარ რედაქტორთან საუბრისას ჯოლიმ აღიარა, რომ დიდი იმედი აქვს ახალგაზრდა თაობის, მათ შორის თავის შვილების:

"ვხედავ, რომ მოზარდებს გაცილებით მეტი წნეხი აქვთ, ვიდრე ჩვენ მათ ასაკში. ისინი ბევრ ინფორმაციას იღებენ, რაც ჩვენთვის დაფარული იყო. ახალგაზრდებმა ისწავლეს კომუნიკაცია, ერთმანეთის გაცნობა. სწორედ ეს თაობა დაიწყებს ჩვენი პრობლემების მოგვარებას..."

ანჯელინამ ასევე აღნიშნა, რომ კორონავირუსის პანდემიის მიუხედავად, ცხოვრება მაინც გრძელდება. მსახიობმა თქვა, რომ თავისმა შვილმა პაქსმა წელს დაამთავრა სკოლა, ხოლო ქალიშვილი ზახარა მართვის მოწმობის აღების პროცესშია. აღსანიშნავია, რომ ვარსკვლავმა ინტერვიუში ძირითადი აქცენტი ოჯახსა და შვილებზე გააკეთა.

საუბრის ბოლოს ანჯელინამ უპასუხა კითხვას, ამჟამად თავს ბედნიერად თვლის თუ არა. მსახიობმა აღიარა, რომ ის არ არის დარწმუნებული, ახლა მისთვის ცხოვრებაში ყველაზე წარმატებულ პერიოდია, ბოლო წლები მისთვის საკმაოდ მშფოთვარე იყო, ბრედ პიტთან გახმაურებული განქორწინების გამო.

"მინდოდა ახლოს ყოფილიყო მათი მამა, რომელიც მხოლოდ ხუთი წუთის სავალზეა."