თორის ჩაქუჩი და ჰარი პოტერის ჯოხი მიუნხენში აუქციონზე გაიტანეს

თორის ჩაქუჩი და ჰარი პოტერის ჯოხი მიუნხენში აუქციონზე გაიტანეს

მიუნხენის ერთ-ერთ გალერეაში უჩვეულო აუქციონი გაიმართა. გალერეაში ცნობილი ბლოკბასტერების რეკვიზიტები აუქციონზე გაიტანეს. აუქციონზე მოხვდა თორის ჩაქუჩი, რომელიც გამოყენებული იყო "შურისმაძიებლების" დასკვნითი ნაწილის გადასაღებ მოედანზე, ვულვერინის ბრჭყალები, ასევე ბეტმენის ნიღაბი, ჰარი პოტერის ჯოხი, რკინის კაცის ხელი და ა.შ..

ყველაზე ძვირადღირებული საგანი შტურმტრუპის ჩაფხუტია "ვარსკვლავური ომებიდან" და ის დაახლოებით 90 000-დან 120 000 ევროდაა შეფასებული. დიდი ინტერესი გამოიწვია ჰარი პოტერის ჯადოსნურმა ჯოხმა ფილმიდან "Deathly Hallows".

”ჯოხი თავად სიკვდილმა შექმნა, შემდეგ ის ალბუს დამბლდორს ეკუთვნოდა, შემდეგ ვოლდემორტს და ბოლოს თავად ჰარის გადაეცა” - განაცხადეს აუქციონის მფლობელებმა.

აუქციონი 26 მარტს დაიწყო. ათასზე მეტმა ადამიანმა შეიტანა განცხადება აუქციონისთვის.