BBC გადაღებს დოკუმენტურ ფილმს მომღერალ ემი უაინჰაუსის შესახებ

BBC გადაღებს დოკუმენტურ ფილმს მომღერალ ემი უაინჰაუსის შესახებ, სახელწოდებით "ემი უაინჰაუსი: 10 წლის შემდეგ". პროექტის გამოსვლა დაგეგმილია 2021 წლის ივლისში და მიეძღვნება ბრიტანელი მომღერლის გარდაცვალების 10 წლისთავს. მთხრობელი ემის დედა, ჯენისი იქნება

ემი უაინჰაუსი ბრიტანელი სოულ, ჯაზ და რიტმ-ენდ-ბლუზ მომღერალი და სიმღერების ტექსტების ავტორია. მისი 2003 წლის სადებიუტო ალბომი — Frank მერკურის ჯილდოზე იყო ნომინირებული. 2007 წლის 14 თებერვალს მან მიიღო ჯილდო „Brit Award“ საუკეთესო ბრიტანელი შემსრულებელი ქალბატონის ნომინაციაში, ისევე როგორც სამჯერ - აივორ ნოველოს ჯილდო. გამოსცა ორი სტუდიური ალბომი.

იგი გარდაიცვალა 2011 წლის 23 ივლისს. გარდაცვალების შემდეგ, მომღერალს დაუმთავრებელი ალბომი დარჩა გამოუცემელი, რომელიც უნივერსალური მუსიკის ხელმძღვანელის დევიდ ჯოზეფის ბრძანებით განადგურდა.