გამოვიდა სერიალის "უცნაური ამბები" მე-4 სეზონის ეპიკური თიზერი

Netflix–მა სერიალის "უცნაური ამბები" მე-4 სეზონის ეპიკური თიზერი გაავრცელა. პრემიერის თარიღი ჯერ-ჯერობით უცნობია.

მე-4 სეზონის მოქმედება ფსიქიატრიულ საავადმყოფოში ვითარდება: თეთრი კედლები და საშინელი სიცილი ოთახებიდან. ეს არის ლაბორატორიაა, რომელშიც სუპერძალის მქონე ბავშვები არიან.

რეჟისორი ირწმუნება, რომ დევიდ ჰარბორი "ჰოპერის" როლში დაბრუნდება, რომელიც მესამე სეზონის ფინალის აფეთქების შემდეგ ფანებს დაღუპული ეგონათ, თუმცა შემდეგ გაირკვა, რომ ის რუსი აგენტების მიერ დატყვევებული იდუმალი "ამერიკელი" იყო.

მეოთხე სეზონის გადაღებები ლიტვაში 2020 წლის თებერვალში დაიწყო, მაგრამ მარტის შუა რიცხვებში, COVID-19-ის გავრცელებით გამოწვეული გართულებების გამო შეწყდა. გუნდი პროექტზე მუშაობას სექტემბრის ბოლოს დაუბრუნდა. ფინ ვოლფჰარდი, რომელიც მაიკ ვილერის როლს ასრულებს, ვარაუდობს, რომ მეოთხე სეზონი "დაახლოებით 2021 წლის ბოლოს, 2022 წლის დასაწყისში" გამოვა.

სერიალის პროდიუსერმა შონ ლევიმ განაცხადა, რომ გადაღებების შეფერხება მომგებიანი იყო სერიალის შემქმნელებისთვის, რადგან მათ, დასრულებამდე მოახერხეს ეპიზოდების სცენარის დაწერა და "განსაკუთრებით მაღალ დონეზე" მიყვანა.