Netflix თანამშრომლობას წყვეტს HFPA ორგანიზატორებთან

Netflix-ის აღმასრულებელმა დირექტორმა ტედ სარანდოსმა განაცხადა, რომ სტრიმინ სერვისი წყვეტს კავშირებს ჰოლივუდის უცხოური პრესის ასოციაციასთან (HFPA) მანამ, სანამ მნიშვნელოვანი ცვლილებები არ მოხდება. ასოციაციაში შედის 90-მდე ჟურნალისტი, რომლებიც ყოველწლიურად ანიჭებენ ოქროს გლობუსის პრემიას. HFPA არაერთხელ დაადანაშაულეს კორუფციაში და მის წევრებში რასობრივი მრავალფეროვნების არარსებობაშიც.

თებერვალში, Los Angeles Times-მა გამოაქვეყნა გამოძიება, სადაც საუბარი იყო საკმაოდ დიდ გადასახადებზე არაკომერციული ორგანიზაციისთვის. გამოცემა ასევე აღნიშნავს, რომ HFPA ზოგჯერ არასწორად ირჩევს ოქროს გლობუსის ნომინანტებს მათი კინემატოგრაფიული მნიშვნელობის მიხედვით. მაგალითად, Netflix-ის სერიალი "ემილი პარიზში" მიიღო ორი ნომინაცია კრიტიკოსების უარყოფითი შეფასების მიუხედავად.

წელიწადნახევარში HFPA ასევე აპირებს თავის წევრების 50%-ით გაზრდას. უფრო მეტიც, ასოციაციის არა მხოლოდ ახალი, არამედ არსებული წევრებიც უნდა აკმაყოფილებდნენ განახლებული შერჩევის კრიტერიუმებს.