ქართველმა მოჭადრაკემ, ნონა გაფრინდაშვილმა „ნეთფლიქსს“ უჩივლა

ლეგენდალური ქართველი მოჭადრაკე, ნონა გაფრინდაშვილი “ნეთფლიქსის“ მინისერიალ „ლაზიერის გამბიტს“ შეურაცხყოფაში ადანაშაულებს და კალიფორნიის შტატის სასამართლოში უჩივის.

როგორც სერიალში ნათქვამია, ნონა გაფრინდაშვილს კაც მოჭადრაკესთან არასდროს უთამაშია, რაც სიცრუეს წარმოადგენს. სარჩელში წერია, რომ „ლაზიერის გამბიტში“ აღწერილი ეპიზოდი 1968 წელს განვითარებულ მოვლენებს აღწერს, რა დროსაც გაფრინდაშვილს უკვე ჰქონდა ნათამაშები 50-ზე მეტ მამაკაც მოჭადრაკესთან. ასევე სარჩელში აღნიშნულია, რომ “ნეთფლიქსმა” განზრახ იცრუა, რათა ეპიზოდისთვის დრამატულობა შეემატებინა, რომ სერიალის გმირმა მიაღწია იმას, რაც არც ერთ ქალს, და მათ შორის ნონა გაფრინდაშვილს არ გაუკეთებია.

„ნეთფლიქსმა“ ასევე დამატებითი შეურაცხყოფა მიაყენა ნონა გაფრინდაშვილს, როდესაც ის რუს მოჭადრაკედ წარადგინა. მიუხედავად იმისა, ის საქართველოდან არის, ქვეყნიდან რომელიც დღემდე იბრძვის, რომ გაუმკლავდეს რუსეთის აგრესიას. ნონა გაფრინდაშვილის ადვოკატები „ნეთფლიქსისგან“ ზარალის ასანაზღაურებლად სულ მცირე ხუთ მილიონ დოლარს ითხოვენ.