ელისო - ქართულად

მეფის მთავრობა ჩეჩენი ხალხის მშობლიური მიწიდან აყრის საბაბს ეძებს, რათა სანაცვლოდ იქ რუსი კაზაკები ჩაასახლოს. მოსახლეობა გუბერნატორს სოფლად დარჩენის თხოვნით არზას გაუგზავნის. პროვოკატორ სეიდულასა და მეფის მოხელეთა დახმარებით არზას შეცვლიან - გადასახლებაზე თანხმობის ყალბ საბუთს წერა-კითხვის უცოდინარ გლეხებს თითის ანაბეჭდებით დაადასტურებინებენ და მოტყუებულ ხალხს თურქეთის გზას გაუყენებენ. ჩეჩენ ელისოს მოხევე ვაჟია უყვარს. სამშობლოსთან და შეყვარებულთან განშორების წინ სასოწარკვეთილი ქალი ცეცხლს მისცემს დაცარიელებულ სოფელს. ვაჟია გენერალს გადასახლების ბრძანების გაუქმებას აიძულებს, მაგრამ დაიგვიანებს.